Եվրոտեսիլի նախընտրական փուլից հետո իրավիճակն, իրարկե, բազմաթիվ կրքերի ու քննադատության երանգ ընթունեց: Տեսնենք, նախ թե ինչ են գրում այս կապակցությամբ մամուլի ներկայացուցիչները.

Ինչպես հայտնի է հաղթանակած Եվա Ռիվասը մամուլի ասուլիս ունեցավ հենց նույն օրը համերգի ավարտից հետո: “Երգչուհու թիմակիցները նշեցին, որ հաղթեց երգը, որովհետև այն սիրվեց: Նրանք վստահ են, որ սփյուռքն իրենց կողքին է լինելու մրցույթի ժամանակ:
«Ես շատ էի անհանգստանում և պատկերացրի` իսկ եթե չստացվի՞: Բայց ինչպես միշտ մեր վստահությունը մեզ տարավ դեպի հաղթանակ: Ճիշտ նույն կերպ էլ մեր վստահությունը մեզ ուղեկցելու է Օսլոյում կայանալիք «Եվրատեսիլ» մրցույթին: Այս երգը պետք է հաղթի»,- նշեց Եվա Ռիվասը:” hetq.am

Իսկ մինչ այդ ետնաբեմում եռում էին բոլորովին այլ կրքեր: Եմմիի ու Միհրանի երկրպագուները արդարացված տարակուսանիքի և զարհուրանքի մեջ էին: Էմմին ու Միհրանը, իհարկե, ցավով գիտակցում էին կատարվածը, նրանց պարտությունը մեծ էմոցիոնալ ցնցում էր.
“ Եվա Ռիվասի անունը լսելուց հետո Էմմին հեռացավ բեմից: Երկար ժամանակ նա դուրս չէր գալիս սենյակից: Էմիի երկրապագուները ուզում էին նրան տեսնել, բայց ոստիկանները թույլ չէին տալիս: Էմիի երկրպագուներից մի աղջիկ անգամ լաց էր լինում: Ոստիկանը նրան ասաց. «Աղջիկ ջան, թաղո՞ւմ է, որ լացում ես, բեր ես ստորագրեմ, գնա»:

Էմմին դուրս եկավ սենյակից, և իր երկրպագուների հետ սկսեց «Հեյ-հեյ» երգել, իսկ դռնից այն կողմ` Եվա Ռիվասի ասուլիսն էր: Էմմին ասաց. «Ես իմ հաղթանակը նվիրում եմ նրանց»: Միհրանը նշեց, որ այլևս իրեն Հայաստանում չենք տեսնի. եթե անգամ Միհրանը գնա «Եվրատեսիլ», ապա չի ներկայացնի Հայաստանը: Ռազմիկ Ամյանը առանձանպես չէր տխրել, ուրախ-ուրախ երգեց և ուրախ-ուրախ էլ բեմից եկավ կուլիսներ:” hetq.am
Մամուլն անդրադարձավ նաև Անդրեին, որն, ինչպես հայտնի է, իր երգը քվյարկության ավարտից անմիջապես հետո կատերելուց, բեմ էր դուրս եկել սև շապիկով, որի վրա Եվա Ռիվաս էր գրված: Ասեկոսները պտտվում էին այն մտքի շուրջ, որ քվեարկությունը նախապես կեղծված էր և ոմանք արդեն գիտեին, թե հաղթողը մեկն է.
'
Ինչպես «Հետք»-ին փոխանցեց երգիչը, երբ ինքն էր գնում Եվրատեսիլ, իր կողքին շատ քիչ մարդ էր կանգնած, և ինքը հոգնել է քավոր-սանիկ հարաբերություններից: Իսկ թե ինչու է հենց Եվա Ռիվասի կողմից, նա ասաց, որ երգչուհու երգը գրել են այնպիսի կոմպոզիտորներ (Կարեն Կավալերյան և Արմեն Մարտիրոսյան), որոնց դեմ բոլորն անզոր են: Նշենք, որ դեռևս ապրիլին Անդրեն հայտարարել էր, որ «Եվրատեսիլ»-ում տեսնում է Եվա Ռիվասին: Նա նաև նշեց, որ Էմմին լավ երգչուհի է, Միհրանը` լավ պարող, բայց «անհամեմատելի են նրանց երգերը»: Անդրեի կարծիքով` Եվա Ռիվասը առնվազն երկրորդ կամ երրորդ տեղը կզբաղեցնի:
“Արարատ” ռադիոկայանի ուղիղ եթերում քիչ առաջ sms- ների տարափ էր: Միհրանի եւ Էմմիի երկրպագուներն էին, ովքեր դժգոհում էին, թե քվեարկությունն անարդար էր, իրենք քվեարկել են այս զույգի օգտին, իսկ   դրանք տեղ չէին հասնում: Ի դեպ, նրանք բավականին վիրավորանքներ էին  հղել հաղթող երգչուհու հասցեին, քանի որ ռադիոհաղորդավարը ստիպված էր դրանք չընթերցել ու  բազմիցս նկատողություն անել` գրեք առանց վիրավորանքների:” “Փաստորեն պարզվում է` Հայաստանում ոչ մի ընտրության  հանդեպ վստահություն չկա`  Եվրատեսիլից սկսած մինչեւ Նախագահի ընտրություն:”,- գրում է  Ա1+ (a1plus.wordpress.com)
Bravo.am անդրադառնում է քվեարկության թեմային. “SMS եմ գրում, չի հասնում”: “Իմն էլ: Տանից զանգեցին. չեն կարողանում քվեարկեն”:

Պարզվեց, որ SMS-ներից շատերը տեղ են հասել քվեարկության ավարտից հետո, որին ի պատասխան բաժանորդները ստացան հաղորդագրություն, որում նշված էր, որ ձայնը չեն հաշվում. քվեարկությունն ավարտված է:
Այնուամենայնիվ, օրենքն օրենք է. քվեարկության համար նախատեսված է 15 րոպե, որի ավարտից հետո հայտարարվեց հաղթողի անունը: Ծրարը բացեցին Արշակյան քույրերը, ովքեր Լիս Ասսիայի, Անդրեի, Սիրուշոյի եւ Լուառա Հայրապետյանի պես եկել էին ողջունելու մասնակիցներին: Հիշեք, որ սա երգի մրցույթ է, ասացին քույրերն ու հայտարարեցին. “Հայաստանը “Եվրատեսիլ 2010”-ին կներկայացնի…. “Հայրենի հողից բերված ծիրանը: “Apricot stone”-ը կհնչի Օսլոյում. հաղթեց Եվա Ռիվասը”: Եվ վերջում մեկ լուր ևս.
 Այսօր ժամը 5–ին Ազատության հրապարակի մոտ տեղի է ունեցել «Եվրատեսիլ–2010»–ի հայաստանյան մրցույթի մասնակիցներ Էմմիի և Միհրանի մի քանի տասնյակ երկրպագուների բողոքի ակցիան։

Երկրպագուները բողոքում են, որ Էմմիի և Միհրանի օգտին ուղարկած sms-ները տեղ չեն հասել։
Նադեժդա Սարգսյանը, Էմիի մայրը, տված հարցազրույցում նշեց, որ. « իրենք մտադիր են հեռախոսային բոլոր օպերատորներից պահանջել sms քվեարկությունների վերծանությունը։ Չի բացառվում, որ Էմմին ու Միհրանը դիմեն դատարան՝ բողոքարկելով մրցույթի արդյունքները:
«Չեմ հավատում, որ ճանաչված ու սիրված երգչուհին կարող է ստանալ ընդամենը 1400 ձայն, իսկ մեկը, որին քչերն են ճանաչում, և նոր է եկել Հայաստան, ավելի քան 6000 ձայն»,– ասաց Նադեժդա Սարգսյանը։ Նրա խոսքով՝ օպերատորները հաշվարկել են Էմմիի օգտին քվեարկած sms-ները միայն առաջին երեսուն վայրկյանի ընթացքում, իսկ դրանից հետո արգելափակել են դրանք։ Նա նաև տեղեկացրեց, որ ժյուրիի քվեարկության արդյունքում առաջին տեղում է Էմմի–Միհրան զույգը”: (Tert.am)

(C) by HayFanat Team